Elvis Presley u lind më 8 janar 1935 në Tupleo dhe vdiq më 16 gusht 1977 në Memphis, në moshën 42-vjeçare.
Ai konsiderohet ndër figurat kulturore më të shquara të shekullit të njëzet dhe njihet edhe si “Mbreti I Rock and Roll-it” apo thjesht “Mbreti”.
Mbreti i muzikës rock&roll, seks simboli, mashkull me të cilin çdo femër ka dashur të ishte, me vite ka luftuar nga varësia.
Vitin e fundit të jetës së tij, ai është shoqëruar me mjekët, duke pasur parasysh se kishte probleme të mëdha me mëlçinë, zemër, sistemin e tretjes etj., dhe e gjithë kjo si pasojë e përdorimit të drogës.
Karrierën e tij, Elvis e kishte filluar në vitin 1954. Zbuluesi i talentit të tij ishte themeluesi i Sun Records, Sam Phillips. Elvis kishte ardhur në studio për të kënduar një këngë për ditëlindjen e nënës së tij.
Pak kohë pas kësaj, ai ka realizuar singlin “That’s All Right” i cili menjëherë është bërë hit. Ai ka marr pjesë në shumë emisione televizive dhe në radio, kurse mënyra e vallëzimit dhe lëvizjet e tij shumë shpejt janë bërë mjaft tërheqëse tek gjinia femërore.
Për herë të parë ka debutuar në film në vitin 1956, në filmin “Love Me Tender”. Ai ishte këngëtari i parë, koncerti i së cilit (Aloha from Havai në vitin 1973) është transmetuar në më shumë se 40 shtete të botës. Ai ka qenë 14 herë i nominuar për çmimin Grammy, dhe ka fituar tri çmime Grammy për vepër jetësore. Falë suksesit të madh në shoubiz, Elvis ka fituar miliona, ka shpenzuar shumë, dhe për këtë arsyeje pak para vdekjes kishte bankrotuar. Trashëgimtarja e pasurisë së tij ishte Lisa Marie Presley.
