Niko Peleshi do të drejtojë Kuvendin e Shqipërisë për katër vitet e ardhshme.
Peleshi u propozua nga kryeministri Edi Rama për të marrë këtë detyrë.
Propozimi u hodh në votim të fshehtë në seancën e sotme plenare, ku mori 84 vota pro.
Në votim morën pjesë 87 deputetë.
Opozita, që ishte kundër emrit të Peleshit për drejtimin e Kuvendit, bojkotoi votimin dhe në vend të fletës së votës, hodhi në kuti pankarta kundër qeverisë ‘Rama 4’.
