Dashi
Mërkuri do ju bëjë shumë kureshtarë gjatë kësaj dite. Edhe komunikimi me ata që ju rrethojnë do përforcohet. Ju të dashuruarit do jeni të dashur dhe lozonjarë me partnerin tuaj kështu që marrëdhënia juaj do jetë e shkëlqyer në çdo moment. Për asgjë nuk do debatoni dhe çastet intime do shtohen akoma më tepër. Ju beqarët më në fund do hidhni hapat e para drejt një lidhjeje të qëndrueshme. Në punë do jeni edhe më ambiciozë dhe profesionistë. Asgjë nuk do ju ecë keq dhe do kënaqeni me rezultatet që do arrini. Buxhetin do arrini ta organizoni akoma më mirë dhe situata do fillojë të përmirësohet disi.
Shëndeti: Do ndiheni në formë të mirë, por mos e teproni me lodhjen mendore. Një shëtitje në natyrë do ju qetësonte.
Këshilla: Besoni më shumë tek vetja dhe mos kini frikë të hidhni hapa të guximshëm.
Demi
Hëna do e ndikojë më shumë jetën tuaj sot dhe do bëjë që gjërat t’iu ecin më së miri. Joshje, ëmbëlsi, humor. Për ju të dashuruarit e sotmja do jetë fantastike dhe si pasojë emocione do përjetohen në çdo çast. Ju beqarët ka mundësi të keni dashuri me shikim të parë në ambientet e punës. Mirë do jetë ta largoni turpin dhe ta lini veten sa më të lirë. Në punë do bëni akoma më shumë përpjekje dhe do arrini rezultatet e shumëpritura. Do buzëqeshni në fund të ditës sepse gjërat që keni dashur do iu realizohen. Financat do jenë gjithë kohës të mbrojtura dhe nuk do përbëjnë asnjë lloj problemi. Mos u shqetësoni për asgjë në këtë plan.
Shëndeti: Do ndiheni energjikë dhe plot gjallëri. Kujdesuni vetëm të mos e teproni me ushqimin e rëndë.
Këshilla: Lëreni zemrën të flasë dhe mos mbani peng asgjë që ju pengon të ndiheni të lumtur.
Binjakët
Dita e sotme nuk do jetë shumë e lehtë për ju, megjithatë nuk do mundojnë as momentet e bukura. Nëse keni një lidhje, jeta juaj sentimentale do marrë drejtimin e duhur. Do i zgjidhni që në mëngjes problemet e vogla dhe më pas do dashuroheni lirisht. Ju beqarët do jeni gati për të marrë vendime sapo të bindeni se personat që ju qëndrojnë pranë dhe iu joshin janë të duhurit. Sot mund të jetë edhe momenti i duhur për të hedhur hapa. Në punë do jeni të motivuar dhe arritjet që do keni do iu pëlqejnë mjaft shefave. Ata mund t’iu bëjnë edhe propozime interesante. Me shpenzimet duhet të tregoheni shumë të kujdesshëm sepse çdo hap i hedhur do ketë pasoja për të ardhmen.
Shëndeti: Do ndiheni pak të lodhur nga ngarkesa mendore, por pushimi i mjaftueshëm do ju rikthejë energjinë.
Këshilla: Mos e lini pas dore kujdesin për veten. Vetëm kështu do keni forcë për të përballuar gjithçka.
Gaforrja
Nëse doni të arrini më lart në jetë duhet t’i programoni gjërat me kujdes dhe të bëni disa ndryshime të vogla. Nëse keni një lidhje duhet të jeni më largpamës, më tolerantë dhe më të kuptueshëm me partnerin tuaj. Në këtë mënyrë marrëdhënia mes jush ka për të qenë më e bukur se më parë. Ju beqarët do keni takime, por nuk duhet të ndiheni të detyruar për të bërë zgjedhje. Në punë nuk do jetë asgjë e pamundur për ju. Do mund t’i kaloni edhe sfidat më të vështira që ju kishin dalë më herët. Në planin financiar fati do jetë gjithë kohës në anën tuaj kështu që nuk priten aspak vështirësi apo probleme. Edhe nëse keni kaluar periudhë problematike do jeni më të qetë.
Shëndeti: Energjia do të jetë më e balancuar se ditët e fundit. Kujdesuni për ushqimin dhe mos e teproni me stresin. Një ecje e gjatë në ajër të pastër do iu ndihmojë shumë për të qetësuar mendjen.
Këshilla e ditës: Vendosni prioritetet dhe mos shpërndaheni me gjëra të kota. Vetëm kështu do arrini të ruani qetësinë dhe suksesin.
Luani
Neptuni mund t’ua ndryshojë jetën gjatë kësaj dite nëse dini të shfrytëzoni çdo mundësi që do iu jepet. Nëse keni një lidhje, mundohuni t’i përkushtoheni edhe më shumë partnerit tuaj sepse nëse e bëni këtë do e siguroni marrëdhënien për gjithë jetën. Sot, më tepër se kurrë ai do ketë nevojë për ngrohtësi dhe mbështetje. Ju beqarët nuk do jeni më aq kërkues sa më parë dhe mund të ndiheni gati edhe për të filluar aventura kalimtare. Në punë duhet të tregoheni më të matur dhe më largpamës. Mendoni për pasojat që do sjellin të gjitha veprimet që do bëni. Gjendja juaj financiare nuk do ketë asnjë lloj vështirësie apo problemi.
Shëndeti: Stresi i akumuluar mund të ndikojë në humorin tuaj. Mundohuni të pushoni më tepër dhe të merreni me aktivitete që ju sjellin kënaqësi.
Këshilla e ditës: Mos nxitoni në vendime. Koha dhe durimi do ju shpërblejnë më shumë se çdo hap i nxituar.
Virgjëresha
Gjatë kësaj dite duhet të bëni gjithçka për të arritur atje ku dëshironi dhe nuk duhet të neglizhoni asgjë. Ju të dashuruarit dijeni se të vetëm nuk do arrini kurrë t’i zgjidhni problemet që do ju dalin në jetën tuaj në çift. Më mirë flisni hapur me partnerin tuaj dhe hidhni hapat e duhura së bashku. Ju beqarët nuk do e gjeni dot princin tuaj të kaltër edhe sikur ta kërkoni çdo sekondë. Çdo gjë është e programuar kur duhet të ndodhë. Në punë keni për të marrë promocione. Do jeni më të qartë se më parë dhe do e dini si të veproni në momente të caktuara. Ekuilibri financiar nuk do ketë aspak tronditje kështu që mos u shqetësoni aspak.
Shëndeti: Mund të ndiheni disi të lodhur nga angazhimet e shumta, ndaj mos harroni pushimin dhe një regjim të rregullt gjumi.
Këshilla e ditës: Besoni tek durimi dhe puna e përditshme. Çdo gjë e mirë kërkon kohë dhe përkushtim.
Peshorja
Gjatë kësaj dite mund të ndodhin gjëra që nuk do ju pëlqejnë dhe aq. Ja që jeta vjen me të papritura. Për ju të dashuruarit e sotmja do jetë goxha e vështirë. Shumë persona do ndërhyjnë tek jeta juaj dhe do duan t’ua prishin harmoninë. Ju beqarët nuk do jeni oratorë të mirë dhe ka rrezik të mos ja dilni ta afroni pas vetes atë që pëlqeni. Në punë do i keni idetë shumë të qarta dhe do dini përherë si të veproni. Gjithsesi shumë kolegë do bëjnë të pamundurën për t’iu penguar dhe do iu flasin keq eprorëve. Buxheti nuk do jetë i keq, por po kryet shpenzime të palogjikuara situata mund t’iu dalë edhe jashtë kontrollit.
Shëndeti: Mund të ndiheni të lodhur nga tensionet e shumta. Mundohuni të merrni kohë për veten dhe të bëni aktivitete që ju qetësojnë.
Këshilla e ditës: Mos i lejoni të tjerët të ndërhyjnë në jetën tuaj. Vendosni kufijtë dhe ruani qetësinë tuaj.
Akrepi
Nëse nuk e duroni dot autoritetin më mirë bëjeni të ditur gjatë kësaj dite në mënyrë që të mos keni probleme më pas. Për dashurinë, kjo e sotmja ka për të qenë më e begatë për beqarët sesa për të dashuruarit. Nëse jeni në një lidhje keni për të pasur një ditë rutinë dhe pa pasion të zjarrtë. Nëse jeni beqarë do keni takime të jashtëzakonshme dhe do hidhni shpejt hapat drejt një lidhjeje. Në punë do jeni perfeksionistë dhe mjaft të kujdesshëm. Çdo gjë që do i vini vetes qëllim keni për ta arritur shpejt. Që edhe buxheti të jetë i kënaqshëm, mendohuni disa herë para se të kryeni çdo shpenzim.
Shëndeti: Kujdes me tensionin nervor. Një pushim i shkurtër ose meditim do ju ndihmojë të ruani qetësinë.
Këshilla e ditës: Mos e lini veten të bini në rutinë. Kërkoni gjëra të reja që ju frymëzojnë dhe ju japin energji.
Shigjetari
Do ju ndryshojë herë pas here humori sot dhe në disa raste nuk do e përmbani dot veten. Nëse keni një lidhje bëni kujdes me xhelozinë sepse po e tepruat do keni debate serioze me partnerin. Nga ana tjetër përkushtojuni pak më tepër atij dhe shprehjani ndjenjat. Ju beqarët më mirë të prisni edhe pak kohë para se të mendoni ta kërkoni princin e kaltër pasi sot nuk do jenë kushtet e favorshme. Në punë rivaliteti me disa kolegë do ashpërsohet edhe më shumë. Gjërat do bëhen më të vështira dhe do mundoheni pafund për të arritur atë që dëshironi. Buxheti nuk ka për të qenë plotësisht i qëndrueshëm dhe ndonjëherë mund të mërziteni.
Shëndeti: Stresi dhe lodhja mund të ndikojnë në mirëqenien tuaj. Kujdesuni për një ushqim të rregullt dhe shmangni konfliktet e panevojshme.
Këshilla e ditës: Ruani qetësinë dhe mos e ushqeni rivalitetin. Përqendrohuni tek forcat tuaja dhe do arrini më shumë.
Bricjapi
Tregohuni më të drejtpërdrejtë dhe më të sinqertë gjatë kësaj dite nëse doni që gjërat të përmirësohen. Nëse jeni në një lidhje dhe kohët e fundit keni bërë gabime, mos pretendoni që partneri t’iu falë menjëherë dhe gjithçka të rikthehet si dikur. Asgjë e tillë nuk ka për të ndodhur. Ju beqarët nga ana tjetër do jeni me më shumë fat se kurrë më parë dhe do filloni një lidhje mjaft romantike. Në punë do jeni më të përqendruar dhe do gjeni zgjidhje për gjithçka. Shumë kolegë do ju qëndrojnë afër, do ju këshillojnë dhe do ju mbështesin në nismat që do merrni. Buxheti nuk ka për të qenë aspak i keq, prandaj shfrytëzojeni rastin për të bërë disa investime.
Shëndeti: Për shkak të ritmit të lartë, mund të ndiheni paksa të lodhur. Pushoni më shumë dhe bëni kujdes me oraret e gjumit.
Këshilla e ditës: Mos prisni falje të menjëhershme, tregoni përpjekje dhe durim që të fitoni besimin e të tjerëve.
Ujori
Saturni do ju nxitë të shtoni përpjekjet që t’i bëni gjërat edhe më mirë. Me dëshirë të mirë mund të arrihet gjithçka. Ju të dashuruarit do jeni në humor shumë të mirë kështu që do bëni çdo gjë që marrëdhënia me partnerin të ketë akoma më tepër përmirësime. Ju beqarët nuk do jeni me fat, por nuk duhet të mërziteni aspak. E nesërmja ka për të qenë fantastike dhe kjo falë sjelljes së tanishme. Në punë kushtet nuk do jenë përherë shumë të kënaqshme dhe në disa momente do mbizotërojë tensioni. Mundohuni ta merrni çdo gjë sa më shtruar. Financat mund të jenë paksa më delikate për shkak të shpenzimeve më të mëdha që do kryeni për rregullimin e shtëpisë.
Shëndeti: Stresi i punës mund të ndikojë tek qetësia juaj. Mbani ekuilibër mes punës dhe pushimit.
Këshilla e ditës: Merrini gjërat hap pas hapi dhe mos e ngarkoni veten me më shumë seç mund të përballoni.
Peshqit
Ditë shumë e qetë pritet të jetë kjo e sotmja për të gjithë ju. Perspektivat duken goxha të mira. Për ju të dashuruarit Dielli do ndriçojë edhe më tepër dhe do ua bëjë çdo moment akoma më të bukur. Pranë partnerit do ndiheni me të vërtetë të plotësuar. Ju beqarët mirë është të mos bëni asnjë lloj çmendurie sepse situata mund t’iu dalë edhe jashtë kontrollit më pas. Në punë do e merrni çdo gjë me optimizëm dhe nuk do e ndieni lodhjen. Shtoni edhe pak dozat e imagjinatës dhe keni për të arritur atje ku doni. Gjendja e financave do konsolidohet tej mase dhe nuk do ndieni më asnjë lloj problemi.
Shëndeti: Do ndiheni mirë dhe me energji pozitive, por kujdesuni për ushqimin që të ruani ekuilibrin.
Këshilla e ditës: Mos u nxitoni për aventura të pamenduara. Shijoni qetësinë dhe punoni me përkushtim për ëndrrat tuaja.
