Aktivistja e njohur shqiptaro-amerikane, Evi Kokalari ka paralajmëruar turbulenca të mëdha për miliarderin George Soros dhe politikanët shqiptarë të lidhur me të. Përmes një reagimi në rrjetet sociale, aktivistja Kokalari ka komentuar vendimin e presidentit Donald Trump për hetimin e fondeve dhe aktivitetit të miliarderit Xhorxh Soros. Zonja Kokalari thekson se me rënien e këtij filantropi të fuqishëm, do të hapet rruga për të ekspozuar dhe ndëshkuar politikanët e korruptuar shqiptarë. Sipas saj, figura si Rama dhe Berisha tashmë janë “pesha të lehta” në skenën politike. Po ashtu, aktivistja paralajmëron se fundi i “persekutimit” politik dhe epoka Soros në Ballkan po afrohet me shpejtësi.
Madje goditja e miliarderit, sipas Kokalari, do të lërë politikanët e korruptuar të ekspozuar, gati për të rënë në “flakët e ferrit”. “Perandoria Sorosjane po merr fund!!! Mendoni se Sali Berishës do t’i hiqen sanksionet tashmë? JO, por e di që për tre javët e ardhshme Berisha dhe televizioni i tij do flasin vetëm për këtë dhe për ‘persekutimin’ politik të një politikani të korruptuar në Balkan që Sorosi nuk e ka kujtuar për 20 vjet tashmë. Vetëm dy fjalë kam për Berishës: Kur iku Sorosi, më beso, ti dhe Edi Rama jeni pesha të lehta tashmë, kështu që shpëtimi i atij vendi nuk është larg. Asnjë nga ju nuk do të shpëtoj, dhe këtu kam parasysh politikanë, mediat dhe të gjitha ata element të korruptuar që infiltruan drejtësinë Shqiptare dhe mbrojtën kupolën tuaj super të korruptuar”, shkruan aktivistja Kokalari në rrjetet sociale.
