Gazetari Osman Stafa ka vijuar denoncimet për skandalet me mungesën e ilaçeve te Spitali Onkologjik.
Në postimin e tij në Facebook, Stafa ka rreshtuar të gjitha ilaçet që mungojnë për trajtimin e kancerit të gjirit, kancerit gjinekologjik, si dhe shërbimi i mamografisë.
‘Ministrja e Shëndetësisë Evis Sala, duket se ka ardhur si turiste në Shqipëri, pasi vetëm me problemet s’po merret. Çfarë po bën drejtoresha e re e QSUT-së? Kjo që po ndodh me gratë me kancer është krim. Është ç’njerëzore’, shkruan Stafa.
Postimi i plotë:
Tetori s’është më rozë, është i zi.
Prej një jave në Spitalin Onkologjik mungon Herceptina!
Gratë me kancer gjiri pa trajtim. Jemi edhe në tetorin rozë. Si ia bëjnë gratë pa këtë medikament?
Dhe ndërkohë në Onkologjik mungon edhe medikamenti TDM1, i cili gjithashtu përdoret për gratë me kancer gjiri.
Tashmë prej 3 muajsh mungon edhe brakiterapia, që vlen për gratë me kancer gjinekologjik.
Prej më shumë se një jane në Onkologjik mungon shërbimi i mamografisë.
Ministrja e Shëndetësisë Evis Sala, duket se ka ardhur si turiste në Shqipëri, pasi vetëm me problemet s’po merret. Çfarë po bën drejtoresha e re e QSUT-së? Kjo që po ndodh me gratë me kancer është krim. Është ç’njerëzore.
