Eksperti i kriminalistikës Artan Rexhepi ka folur në lidhje me vrasjen e Pëllumb Metës në Durrës, ku të arrestuar për këtë ngjarje janë tre fëmijët e tij, ndërsa bashkëshortja po hetohet në gjendje të lirë.
Në një intervistë për emisionin “Good Morning Albanians”, ai theksoi se pas vrasjes fshihet vetëm vëllai i madh, Hysen Meta.
Sipas tij, ky i fundit ishte autoritar mbi familjen.
“Për mua strumbullari i vrasjes është vëllai, në nuhatjen time.
Djali është kthyer 2 javë nga jashtë. Është një vëlla autoritar, me pushtet mbi nënën.
Kjo është një pistë e mundshme”-tha ai.
