Një 33-vjeçar kinez është dënuar me burgim të përjetshëm nga një gjykatë në Londër për përdhunimin e të paktën shtatë grave.
Sipas Daily Mail, Sao Zhou i përdhunoi viktimat e tij pasi i drogoi, duke u dhënë një koktej për të cilin u tha viktimave të tij se përmbante alkol dhe një përbërës kinez, që në të vërtetë ishin pilule të fuqishme që i drogonin dhe i linin vajzat dhe gratë në pamundësi që të kundërpërgjigjeshin.
Ai e quajti koktejlin “Pranvera e Jetës”.
Përdhunimet ndodhën në apartamentin që 33-vjeçari mbante në një lagje të njohur të Londrës, ku ai organizonte takime që synonin kryesisht të ndihmonin gratë e sapoardhura në Britani nga Kina të krijonin rrjete profesionale duke krijuar njohje me biznesmenë, në të cilat numri i të ftuarve nuk i kalonte kurrë 20 persona.
Sipas aktakuzës, Zhu kishte arritur të fitonte besimin e grave që ai kishte në shënjestër, pasi ato e shihnin atë si “vëllain” e tyre. Me këtë metodë, ai arriti të shmangte marrjen e përgjigjeve negative ndaj ftesave të tij.
Pasi u jepte viktimave të tij pijen në fjalë, autori i krimit i çonte ato në dhomën e tij të gjumit në gjendje të pavetëdijshme ku i përdhunonte.
Aktet e tij të tmerrshme u zbuluan kur një nga viktimat e tij gjeti guximin të kontaktonte autoritetet dhe të raportonte se në njërën nga festat e qershorin e kaluar, ajo humbi ndjenjat dhe u zgjua në shtratin e tij e përdhunuar, siç pretendoi ajo.
Oficerët e policisë që kontrolluan shtëpinë e tij u përballën me gjetje të papara pasi zbuluan se 33-vjeçari kishte pajisur banjën dhe dhomën e tij të gjumit me kamera, madje duke i vendosur ato në paketimin e produkteve të higjienës femërore. Në të njëjtën kohë, ata gjetën video të përdhunimeve të grave, si dhe qindra foto të grave që përdornin shkallët lëvizëse të metrosë në stacionin e Urës së Londrës, ndërsa ai bënte fotografi mbi fundet e grave të moshës 18 deri në 30 vjeç.
Duke hetuar kompjuterin e Zhou-t, policia zbuloi se ai shihte porno me temë “Përdhunim”, ndërsa në telefonin e tij celular kishte bërë koleksione videosh të veprimeve të tij.
