Një 22-vjeçar ka rënë në prangat e policisë së kryeqytetit për vjedhje.
Nga hetimet e kryera rezulton se i riu është autor i tetë vjedhjeve, mes tyre 6 biçikleta, një monopatinë dhe një dyqan.
Pasi i grabiste në rrugë apo në parkimet e pallateve, ai i shiste. 22-vjeçari rezulton i dënuar më parë për të njëjtën veprimtari.
Njoftimi i policisë:
Shërbimet e Komisariatit të Policisë Nr. 4 në bashkëpunim me Komisariatin e Policisë Nr. 2, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore, identifikuan dhe vunë në pranga shtetasin:
-E. P., 22 vjeç, banues në Tiranë.
Nga veprimet hetimore dyshohet se ky shtetas është autor i vjedhjes së 6 biçikletave, 1 monopatinë gjatë muajit maj dhe nëntor, të cilat shiteshin nga ana e këtij shtetasi në zona të ndryshme të Tiranës dhe të 1 dyqani.
Vijon puna për dokumentimin e vjedhjeve të tjera që mund të jenë kryer nga ky shtetas.
Materialet i kaluan Prokurorisë, për veprime të mëtejshme procedurale.
