“Kam foto dhe video të tuat. Nëse nuk vjen të më takosh do t’i publikoj….”. Në këtë mënyrë Jetmir Uta oficer policie në Dibër ka detyruar një 19-vjeçare që ta takonte.
Sapo vajza është ngjitur në makinën e tij oficeri ka kryer marrëdhënie seksuale me të, pa dëshirën e saj. Ngjarja ka ndodhur me datë 17 nëntor, por është denoncuar dy ditë më vonë.
Polici është larguar pas ngjarjes për në Kosovë bashkë me burrin e motrës. Për këtë të fundit ka nisur hetimi për përkrahje të autorit të krimit, ndërsa nëna e policit po hetohet në gjendje të lirë pasi ka kërcënuar vajzën të tërheqë denoncimin ndaj të birit.
