Shefja e politikës së jashtme të Bashkimit Evropian, Kaya Kallas, ka folur me kritika ndaj Uashingtonit, duke thënë se kritikat ndaj BE-së duhet të drejtohen ndaj Rusisë.
Duke komentuar raportin e Strategjisë së Sigurisë Kombëtare të Shtëpisë së Bardhë të publikuar para komisionit të Parlamentit Evropian të premten, Kaya Kallas theksoi se ” Bashkimi Evropian është thelbi i lirisë”.
“Kjo kritikë ndaj lirive duhet të drejtohet në një drejtim tjetër. Ndoshta drejt Rusisë, ku liria e shtypit është e ndaluar, ku opozita është e ndaluar, ku X ose Twitter, siç e njohim ne, është gjithashtu i ndaluar”, tha ajo, duke komentuar kritikat e SHBA-së për gjobën kundër platformës X të Elon Musk.
E pyetur për kritikat e SHBA-së, Kallas vlerësoi se ato ishin “bërë si provokim” dhe përsëriti se Bashkimi Evropian mbetet aleati më i madh i SHBA-së.
