Kryetari i Partisë Demokratike, Sali Berisha i ka bërë jehonë një reagimi të një vogëlusheje, e cila ishte e ftuar në një podkast.
Teksa është pyetur nga prezantuesja e podkastit, Arbana Osmani, vogëlushja nga Erseka është pyetur se kush është kryetari i Bashkisë së qytetit të saj, sikurse u pyet edhe për bashkitë e tjera.
Në përgjigjen naive të vogëlushes, ajo tha se njihte vetëm Edi Ramën kryetarin e Shqipërisë, duke vijuar me përgjigjen e saj fëminore se dëshironte shumë ‘t’ia fuste me shuplakë’.
Në reagimin e tij edhe lideri demokrat, Sali Berisha ka vlerësuar përgjigjen e sinqertë të vajzës së vogël, duke e përgëzuar.
‘Bravo vogëlushe. I keq! Më i keqi është!’, thuhet në reagimin e kryedemokratit Berisha teksa komenton reagimin e vajzës së vogël ndaj kreut të qeverisë Edi Rama.
