Fituesit e çmimit për Aktorin më të Mirë të vitit të kaluar, Adrien Brody dhe Mikey Madison, së bashku me fituesit e çmimit për Aktor Mbështetës, Kieran Culkin dhe Zoe Saldana, do të jenë në skenë në edicionin e 98-të të Çmimeve të Akademisë për t’ua dorëzuar çmimet pasardhësve të tyre, sipas njoftimit nga Akademia e Arteve dhe Shkencave të Filmit.
Katër aktorët janë prezantuesit e parë të njoftuar për ceremoninë e 15 marsit, e cila do të prezantohet për herë të dytë nga Conan O’Brien dhe do të transmetohet drejtpërdrejt në ABC.
Në eventin e vitit të kaluar, Madison, Culkin dhe Saldana fituan Oscarin e tyre të parë, ndërsa për Brodyn ishte statuja e tij e dytë si Aktor më i Mirë për performancën e tij në filmin “The Brutalist”.
Sipas AP-së, “Sinners” i Ryan Coogler kryeson garën e këtij viti, duke bërë histori me 16 nominime.
Të nominuara të këtij viti për çmimin e aktores më të mirë janë Jessie Buckley për filmin “Hamnet”, Rose Byrne për filmin “If I Had Legs I’d Kick You”, Renate Rainsve për filmin “Sentimental Value”, Emma Stone për filmin “Bugonia” dhe Kate Hudson për filmin “Song Sung Blue”.
Të nominuarit për Çmimin e Aktorit më të Mirë janë Timothée Chalamet për filmin “Marty Supreme”, Leonardo DiCaprio për filmin “One Battle After Another”, Ethan Hawke për filmin “Blue Moon”, Michael B. Jordan për filmin “Sinners” dhe Wagner Moura për filmin “The Secret Agent”.
Në kategoritë e Aktorit Mbështetës, të nominuar për performancën mashkullore janë Jacob Elordi për “Frankenstein”, Sean Penn dhe Benicio del Toro për “One Battle After Another”, Stellan Skarsgård për “Sentimental Value” dhe Delroy Lindo për “Sinners”.
Të nominuara për çmimin për Aktoren më të Mirë Mbështetëse janë Elle Fanning dhe Inga Impsdotter Liljes për “Sentimental Value”, Amy Madigan për “Weapons”, Wanmi Mosaku për “Sinners” dhe Teyana Taylor për “One Battle After Another”.
Votimi përfundimtar i çmimeve Oscar do të zhvillohet nga 26 shkurti deri më 5 mars.
