Aktorja britaniko-nigeriane Wunmi Mosaku tërhoqi vëmendje në tapetin e kuq të ceremonisë së Academy Awards, ku u shfaq duke theksuar barkun e saj të shtatzënisë ndërsa festonte një moment të rëndësishëm në karrierën e saj.
Ajo mbërriti në event me një fustan të gjelbër smeraldi të markës Louis Vuitton, një dizajn elegant që shkëlqente në dritat e tapetit të kuq dhe që u komentua gjerësisht nga mediat e modës, shkruan Daily mail.
Mosaku ishte e nominuar për çmimin Aktorja më e mirë në rol dytësor për interpretimin e saj në filmin Sinners, një projekt që mori një numër rekord nominimesh në këtë ceremoni.
Gjatë paraqitjes në tapetin e kuq, ajo pozoi me buzëqeshje ndërsa mbante duart mbi barkun e saj, duke treguar hapur se është në pritje të fëmijës së saj të dytë.
Aktorja kishte bërë publik lajmin për shtatzëninë më herët gjatë sezonit të çmimeve, kur u shfaq me barkun e rrumbullakosur edhe në tapetin e kuq të Golden Globes.
Paraqitja e saj në Oscars u vlerësua si një nga momentet më të bukura të mbrëmjes, duke kombinuar elegancën e modës me një moment shumë personal të jetës së saj.
Ky event shënoi gjithashtu një moment të veçantë në karrierën e Mosaku, pasi ishte një nga paraqitjet më të rëndësishme të saj në skenën ndërkombëtare të filmit.
