Ajo nuk gabon kurrë kur bëhet fjalë për modën.
Dhe Maya Jama dukej, si gjithmonë, mahnitëse teksa mori pjesë në eventin e lançimit të gamës së saj të matcha-s me Joe & The Juice në Londër të enjten.
Prezantuesja e “Love Island”, 31 vjeçe, tërhoqi vëmendjen me një fustan midi të bardhë, të ngjitur pas trupit, i cili theksonte linjat e saj. Ajo e rriti gjatësinë me taka të mprehta që i përshtateshin veshjes dhe e kompletoi pamjen me një palë syze të errëta, shkruan “Daily Mail”.
Maya i kishte stiluar flokët e saj të gjatë të errët me onde të lira që i binin mbi supe dhe kishte zgjedhur një grim me pamje të ndritshme dhe rrezatuese.
Kjo vjen pasi Maya u transformua në një gazetare lajmesh të viteve ’80 për të promovuar pijen e saj të re me këtë markë më herët gjatë javës.
