Një aksident tragjik është shënuar ditën e sotme në Durrës, ku një person ka humbur jetën si pasojë e daljes nga rruga të mjetit që drejtonte.
Burime paraprake bëjnë me dije se viktima është shtetasi Arben Karamuço, i cili ishte duke drejtuar një motomjet me katër goma. Dyshohet se ai ka humbur kontrollin mbi mjetin, duke dalë nga rruga dhe pësuar dëmtime të rënda.
Si pasojë e aksidentit, Karamuço ka ndërruar jetë në vendngjarje. Ndërkohë, një grua që udhëtonte me të në motomjet ka mundur të shpëtojë dhe raportohet se ndodhet jashtë rrezikut për jetën.
Policia ka mbërritur në vendin e ngjarjes dhe po punon për zbardhjen e plotë të rrethanave të aksidentit, si dhe për përcaktimin e shkaqeve që çuan në këtë ngjarje të rëndë.
Durrës/ Informacion paraprak
Rreth orës 16:45, në vendin e quajtur “Kepi i Rodonit”, në një terren me shkurre, shtetasi A. K., rreth 52 vjeç, banues në Tiranë, duke drejtuar një motomjet (me 4 goma), dyshohet se ka humbur kontrollin, si pasojë e terrenit, dhe është rrëzuar.
Si pasojë, 52-vjeçari ka ndërruar jetë në vendngjarje.
Në motomjet ndodhej edhe bashkëshortja e tij, shtetasja E. K., 44 vjeçe, e cila është lënduar lehtë dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.
