Lituania të mërkurën lëshoi një paralajmërim për “rrezik ajror” duke u kërkuar njerëzve të strehohen dhe pezulloi trafikun në aeroportin e kryeqytetit për shkak të frikës nga dronë që shkelin hapësirën ajrore të vendit.
“Menjëherë strehohuni në një vend të sigurt, kujdesuni për të afërmit tuaj, prisni rekomandime të reja”, tha ushtria e Lituanisë në një mesazh dërguar njerëzve në kryeqytetin e vendit.
Nuk ishte menjëherë e qartë se sa gjerësisht u shpërnda deklarata, raporton Reuters, transmeton Klankosova.tv.
Një paralajmërim u lëshua gjithashtu në ndërtesën e parlamentit të Vilniusit.
“Për shkak të rrezikut të sulmit ajror, u kërkojmë të gjithë personave në ndërtesë të shkojnë në strehën më të afërt”, thuhej në një njoftim në interfonin e parlamentit.Qendra kombëtare e menaxhimit të krizave e Lituanisë tha më parë se kishte lëshuar një alarm në përgjigje të një droni në Bjellorusinë fqinje që u pa duke fluturuar drejt Lituanisë, duke shtuar se origjina e dronit nuk ishte konfirmuar.
Një avion luftarak i NATO-s të martën rrëzoi një dron të dyshuar ukrainas mbi Estoninë, tha vendi baltik, i fundit në një seri shkeljesh të hapësirës ajrore në rajon mes sulmeve të shpeshta ukrainase ndaj Rusisë fqinje.
