Ish-mbrojtësi i Brazilit dhe fituesi i Kupës së Botës 1994, Ricardo Rocha, është arrestuar në Rio de Janeiro pak para se të nisej drejt Shteteve të Bashkuara, ku pritej të punonte si analist televiziv gjatë Kupës së Botës 2026.
Sipas mediave braziliane, 63-vjeçari u ndalua në Aeroportin Ndërkombëtar “Tom Jobim”, pasi ndaj tij ishte lëshuar një urdhër arresti civil nga Gjykata e Familjes në Fortaleza.
Autoritetet pretendojnë se Rocha e ka një detyrim të papaguar për alimentacion në vlerë prej 2,414.57 realësh brazilianë (rreth 348 paundë).
Urdhri i arrestit raportohet të jetë i vlefshëm deri në prill të vitit 2028, megjithëse dokumentet ligjore parashikojnë që ai duhet të lirohet pas 45 ditësh, nëse nuk lindin procedura të tjera kundër tij.
Rocha ishte pjesë e kombëtares legjendare të Brazilit që e fitoi Kupën e Botës në vitin 1994.
Edhe pse një lëndim e kufizoi në vetëm 64 minuta lojë gjatë turneut, ai e mori medaljen e kampionit të botës.
Gjatë karrierës së tij 17-vjeçare, ai i regjistroi 38 paraqitje me fanellën e Brazilit dhe luajti për klube të njohura si Real Madrid dhe Sporting CP.
Arrestimi vjen vetëm pak para fillimit të Kupës së Botës 2026, e cila organizohet nga Shtetet e Bashkuara të Amerikës, Kanadaja dhe Meksika.
