Bashkryetari i Grupit dypartiak për Çeshtjet shqiptare në Kongresin amerikan, Robert Aderholt ka reaguar me një postim në rrjetet sociale pas vendimit të administratës Trump për heqjen e sanksioneve ndaj liderit të opozitës shqiptare Sali Berisha.
Grupi dypartiak i Kongresit për Çështjet Shqiptare drejtohet nga katër bashkëkryetarë që janë Robert Aderholt (R-AL), Jim Himes (D-CT), Lisa McClain (R-MI) dhe Ritchie Torres (D-NY).
Postimi i Robert Aderholt
Si bashkëkryetar i Caucus për Shqipërinë, përgëzoj Presidentin Trump dhe Sekretarin Rubio për kryerjen e një shqyrtimi serioz dhe të bazuar në prova të veprimeve të ndërmarra gjatë administratës së mëparshme që ngritën shqetësime në lidhje me përpjekjet për të heshtur zërat politikë në Shqipëri.
Departamenti i Shtetit u ka dërguar një mesazh të qartë aleatëve tanë: Shtetet e Bashkuara respektojnë sovranitetin e kombeve dhe u besojnë votuesve të përcaktojnë rezultatet e zgjedhjeve të tyre. Një Shqipëri e fortë dhe demokratike është një partner jetik për Shtetet e Bashkuara në Ballkanin Perëndimor dhe mezi pres ta forcoj këtë partneritet në vitet në vijim.
