Një 74-vjeçar ka humbur jetën si pasojë e një zjarri që përfshiu një apartament në një pallat në qytetin e Korçës.
Sipas të dhënave paraprake, flakët shpërthyen në një nga katet e pallatit, ndërsa tymi u përhap me shpejtësi në të gjithë godinën, duke bërë të nevojshëm evakuimin e banorëve. Në vendngjarje mbërritën forcat zjarrfikëse dhe shërbimet e Policisë, të cilat ndërhynë për shuarjen e flakëve dhe evakuimin e banorëve.
Viktima është identifikuar si Urim Hysolli, 74 vjeç, i cili jetonte i vetëm në banesë, ndërsa kujdesej nga persona të tjerë. Sipas informacioneve paraprake, i moshuari konsumonte alkool dhe dyshohet se zjarri mund të jetë shkaktuar aksidentalisht si pasojë e një pakujdesie, megjithëse shkaku i saktë ende nuk është konfirmuar.
Personi që kujdesej për 74-vjeçarin ka arritur të dalë në kohë nga banesa, ndërsa i moshuari nuk ka mundur të shpëtojë dhe dyshohet se ka ndërruar jetë nga asfiksia e shkaktuar nga tymi.
Pas fikjes së zjarrit, grupi hetimor do të vijojë punën për zbardhjen e plotë të rrethanave dhe përcaktimin e shkakut të ngjarjes.Një 74-vjeçar ka humbur jetën si pasojë e një zjarri që përfshiu një apartament në një pallat në qytetin e Korçës.
Sipas të dhënave paraprake, flakët shpërthyen në një nga katet e pallatit, ndërsa tymi u përhap me shpejtësi në të gjithë godinën, duke bërë të nevojshëm evakuimin e banorëve. Në vendngjarje mbërritën forcat zjarrfikëse dhe shërbimet e Policisë, të cilat ndërhynë për shuarjen e flakëve dhe evakuimin e banorëve.
Viktima është identifikuar si Urim Hysolli, 74 vjeç, i cili jetonte i vetëm në banesë, ndërsa kujdesej nga persona të tjerë. Sipas informacioneve paraprake, i moshuari konsumonte alkool dhe dyshohet se zjarri mund të jetë shkaktuar aksidentalisht si pasojë e një pakujdesie, megjithëse shkaku i saktë ende nuk është konfirmuar.
Personi që kujdesej për 74-vjeçarin ka arritur të dalë në kohë nga banesa, ndërsa i moshuari nuk ka mundur të shpëtojë dhe dyshohet se ka ndërruar jetë nga asfiksia e shkaktuar nga tymi. Pas fikjes së zjarrit, grupi hetimor do të vijojë punën për zbardhjen e plotë të rrethanave dhe përcaktimin e shkakut të ngjarjes.
