Tensione para Kuvendit, përplasje mes protestuesve dhe policisë. Ujë me presion e gaz lotsjellës, qytetarët kundërpërgjigjen me vezë
Situata u tensionua para godinës së Kuvendit, ku protestuesit tentuan të çajnë kordonin e sigurisë dhe të kalonin gardhin e vendosur nga policia. Në përgjigje, forcat e rendit përdorën ujë me presion dhe gaz lotsjellës për të shpërndarë turmën.
Protestuesit reaguan duke hedhur vezë në drejtim të efektivëve dhe godinës së Kuvendit, ndërsa në zonë u krijuan momente përplasjesh dhe tensioni. Policia vijon të mbajë të rrethuar perimetrin e institucionit, ndërsa situata mbetet e tensionuar.
