Një plagosje me thikë është shënuar pasditen e kësaj të diele në Portin e Vlorës. Ngjarja ka ndodhur pas një sherri mes dy personave.
Mësohet se personat e përfshirë në sherr janë dy shitës biletash anijesh turistike. Edmond Gorishova ka plagosur me thikë Dhimo Thominin, i cili është dërguar në spital për të marrë ndihmë mjekësore.
Ndërkohë autori është vënë në pranga. Nuk dihen detaje se si ka ndodhur ngjarja, ndërkohë që pritet një reagim zyrtar nga policia.
