Një bombë e komanduar është gjetur mëngjesin e sotëm në mes të rrugës, në lagjen nr. 3 të qytetit të Durrësit.
Sipas informacioneve paraprake, pas konstatimit të lëndës shpërthyese në vendngjarje kanë mbërritur menjëherë forcat e Policisë, ndërsa pritet ndërhyrja e forcave xheniere për çaktivizimin e saj.
Policia ka vendosur perimetrin e sigurisë dhe ka nisur hetimet për të zbardhur rrethanat e plota të ngjarjes, si dhe për të identifikuar personat që mund të kenë lidhje me vendosjen e bombës.
Gjetja e lëndës shpërthyese vjen një ditë pas alarmit të djeshëm, kur mbi 100 institucione morën email-e kërcënuese për bombë.
Durrës/Informacion paraprak
Rreth orës 09:00, në lagjen nr. 3, është konstatuar në rrugë, një celular i lidhur me një objekt të dyshimtë.
Menjëherë pas marrjes së njoftimit, shërbimet e Policisë kanë shkuar në vendngjarje dhe po kryejnë veprimet për rastin.
Janë njoftuar specialistët xhenierë, për heqjen e objektit dhe verifikimin e tij.
Ndërkohë, grupi hetimor, në drejtimin e Prokurorisë, po vijon punën për zbardhjen e rrethanave të rastit.
