Tre muaj nga protesta masive, një qytetare amerikane ka surprizuar protestuesit shqiptarë duke iu bashkuar tubimit të tyre gjatë muajit të saj të mjaltit. Gjatë fjalës së mbajtur para turmës, ajo theksoi se e ka ndjekur rezistencën e qytetarëve shqiptarë prej rreth një dekade, veçanërisht që nga viti 2016, duke i vlerësuar ata për qëndrueshmërinë në betejën për të drejtat dhe kauzat e drejta.
Para protestuesve, ajo deklaroi se ka vendosur të sjellë bashkëshortin e saj të ri në Shqipëri me qëllimin për të parë vendin ku planifikojnë të shpërngulen për të jetuar, duke shprehur dëshirën e madhe për t’u bërë “shqiptarë”.
Amerikania inkurajoi qytetarët që të mos dorëzohen, por të vazhdojnë të qëndrojnë të bashkuar kundër padrejtësive që ndodhin jo vetëm në vend, por në mbarë botën. “Mos u dorëzoni! Luftoni për të drejtat tuaja me dashuri të plotë në zemër,” ishte mesazhi i saj.
Jam jashtëzakonisht e impresionuar nga ju. Ju dua shumë! E solla këtu bashkëshortin tim të ri për muajin tonë të mjaltit, që të shohim vendin ku do të shpërngulemi. Që të bëhemi edhe ne shqiptarë!
Jemi kaq krenarë. Ndihemi kaq të nderuar. Jemi jashtëzakonisht të impresionuar nga gjithçka që po bëni ju të gjithë — dhe po e bëni siç duhet.Po luftoni për arsyet e duhura, kundër gjërave të gabuara që po ndodhin këtu dhe që po ndodhin në mbarë botën.
Ajo që na duhet është të vazhdojmë të qëndrojmë të bashkuar. Mos u dorëzoni! Mos hiqni dorë!Luftoni për të drejtat tuaja, me zemrën plot dashuri!Vazhdoni t’i jepni frymëzim botës.Ajo që po bëni këtu tani është e rëndësishme. Bota ka nevojë për ju. Ne nuk do të reshtim së dashuri ju dhe do të kthehemi përsëri. Dhe do të jemi pikërisht aty, përkrah jush.
