Aktorja amerikane Nicola Peltz tërhoqi vëmendjen në tapetin e kuq në Venecia, ku u shfaq me një fustan elegant në ngjyrë blu kobalt, me prerje të guximshme.
Peltz shkëlqeu para fotografëve teksa pozonte në ceremoninë ku pranoi çmimin “Rising Star”, duke u vlerësuar për sukseset dhe potencialin e saj në industrinë e filmit.
Në këtë paraqitje speciale, ajo u shoqërua nga bashkëshorti i saj, Brooklyn Beckham, i cili i dhuroi një puthje në tapetin e kuq, duke krijuar një moment romantik përpara kamerave.
Pamja e Nicola-s, e kombinuar me elegancën dhe ngjyrën e fortë të fustanit, bëri që ajo të ishte një nga figurat më të spikatura të mbrëmjes në Venecia.
