Një ditë pasi foli në protestën kundër qeverisë dhe kryeministrit Edi Rama, aktorja Egla Ceno thotë se ka marrë një mesazh kërcënues. Për këtë aktorja thotë se ka bërë edhe denoncim në polici.
Me anë të një postimi në rrjetet sociale, Ceno thotë se nuk ka frikë nga askush, ndërsa mesazhi përmban fjalë të rëndë kërcënuese ndaj saj.
Sipas mesazhit që vetë Ceno ka publikuar thuhet se personi është i stërvitur nga shërbimet sekrete shqiptare.
“…te betohem se do te përdhunoj ne mes te Tiranës do te shkërdhej 3 ore edhe ne paç mbas vetes 1000 burra… te betohem përpara gjithë popullit shqiptar qe do ta mbaj fjalën do te shkërdhej qe te mos ketë gjykate, hetuesi, prokurori, polici, ushtri, shtet, te mos kesh askënd kush te marre ne dorëzim”, thuhet ndër të tjera në mesazhin kërcënues.
Në fund, personi me iniciale A.S, thotë se është komandant special i Forcave Alfa.
Mesazhi qe Egla Ceno ka publikuar
Egla ceno po te drejtohem personalisht.
Keni tre muaj qe turbulloni shqiperine…
nuk bej pjese ne shtet por per 24 ore mor ne dore forcat e rendit…te betohem se do te perdhunoj ne mes te tiranes do te shkerdhej 3 ore edhe ne pac mbas vetes 1000 burra… te betohem perpara gjithe popullit shqiptar qe do ta mbaj fjalen do te shkerdhej qe te mos kete gjykate hetuesi prokurori polici ushtri shtet, te mos kesh askend kush te marre ne dorezim… jam i stervitur nga sherbimi sekret shqiptar per raste ekstreme dhe mbijetese per 24 ore bej qe te mallkoni pse ju ka lindur nena… prandaj egla stervit &@*#% nese ke ndermend te vazhdosh, ndryshe mblidh me vete ato bythqira dhe kopila dhe shkoni q!huni ne ndonje vend tjeter se na cate kar!n…. a.s.komandant special forcat alfa.
Cfare tha Ceno ne proteste?
Kujtojme qe Egla Ceno diten e djeshme tha ne proteste se Rama duhet të largohet nga drejtimi i vendit.
Ajo u bëri thirrje protestuesve të mos përçahen dhe të mos krijojnë ndarje mes tyre.
“Ky kancer që e ka emrin Edi Rama, ky njeri i neveritshëm duhet të mbathë lidhëset e atleteve të neveritshme dhe duhet të shporret, sepse na lodhi shpirtin. Mos u ndani e mos u përçani. Mos vini gisht mbi njerëz, mos u përçani, mos vini kufi në shesh. Këta këtu prapa këtë po presin. Ju lutem mos e bëni” tha aktorja.
Po ashtu aktorja denoncoi edhe kërcënimet për vendin e punës: “Nuk ka dinjitet sot sepse kemi patronazhistë dhe shefa që janë të dërguar nga partia. Kemi patronazhistë që na shantazhojnë se nëse del në protestë të heqim nga puna deri kushëririn e pestë”.
