Në prag të ndeshjes ndaj Uellsit në Ligën e Kombeve, trajneri i Portugalisë, Jorge Jesus, ka zbuluar se Cristiano Ronaldo është në formë të mirë, por ndoshta nuk do të luajë çdo ndeshje.
“Nëse nuk ndodh ndonjë gjë e jashtëzakonshme sot, Ronaldo do ta nisë ndeshjen nesër nga minuta e parë.
Vërej se shqetësimi juaj përqendrohet te fakti nëse Cristiano është gati për të luajtur. Ai është një simbol i Portugalisë, por kjo nuk i jep atij të drejtën të luajë në çdo ndeshje.
Por, për t’ju dhënë një ide: ne luajtëm një ndeshje në Hong Kong pa të dhe kishte 5,000 spektatorë, ndërsa kur luajti ai, kishte 55,000 spektatorë. Ai do të luajë nesër dhe shpresoj të shënojë një ose dy gola, e më pas do ta zëvendësoj menjëherë”, tha Jorge Jesus.
I pyetur për synimet e tij me Portugalinë, ai shtoi: “Jam në një kombëtare që përfshin lojtarët më të mirë në botë dhe kudo që shkoj luaj për të fituar. Në Ligën e Kombeve ne jemi kampionët në fuqi, ndaj duhet ta mbrojmë titullin.”
