Të paktën 13 persona kanë humbur jetën si pasojë e një zjarri që përfshiu një fabrikë fishekzjarrësh në rajonin Yaroslavl të Rusisë.
Sipas agjencisë shtetërore të lajmeve TASS, e cila citon shërbimet e emergjencës, zjarri përfshiu fabrikën në fshatin Kubrinsk, pranë qytetit Pereslavl-Zalessky.
Flakët shkatërruan dy ndërtesa të uzinës, ndërsa rreth 100 zjarrfikës u angazhuan për vënien e situatës nën kontroll.
Guvernatori i rajonit Yaroslavl, Mikhail Evrayev, konfirmoi përmasat e operacionit të emergjencës, ndërsa autoritetet kanë nisur një hetim paraprak penal për shkelje të rregullave të sigurisë në uzinë.
Shkaqet e zjarrit dhe rrethanat që çuan në humbjen e jetëve po hetohen nga autoritetet ruse.
