Një video me deklarata të dhunshme kundër izraelitëve dhe hebrenjve ka alarmuar autoritetet gjermane. Pas disa denoncimeve, ndaj një gruaje me origjinë siriane ka nisur një procedim penal për nxitje të urrejtjes.
Autoritetet gjermane kanë nisur hetimet ndaj një gruaje 34-vjeçare, të identifikuar nga gazeta Bild si Sham A., me origjinë nga Siria, pas publikimit të një videoje në të cilën ajo shpreh deklarata të rënda kundër hebrenjve dhe izraelitëve.
Sipas raportimit të Bild, gruaja ka deklaruar se dëshiron të vrasë njerëz, duke shprehur gatishmëri edhe për të vrarë fëmijë izraelitë.
Videoja ka shkaktuar reagime dhe është denoncuar disa herë pranë autoriteteve.
Pas denoncimeve, është iniciuar procedim penal nën dyshimin për nxitje të urrejtjes (Volksverhetzung), ndërsa hetimet po zhvillohen nga strukturat gjermane të sigurisë shtetërore (Staatsschutz).
Autoritetet po shqyrtojnë përgjegjësinë e mundshme penale lidhur me deklaratat e publikuara.
Rasti ka rikthyer vëmendjen te përhapja e gjuhës së urrejtjes dhe kërcënimeve ndaj komuniteteve të ndryshme në Gjermani.
Për momentin, raportimi konfirmon nisjen e hetimeve, por nuk jep të dhëna për një aktakuzë apo vendim gjyqësor ndaj 34-vjeçares./Bild
