​Greqi, çmimet e ushqimeve pritet të bien nga muaji mars

Çmimet më të ulëta do të shfaqen në raftet e supermarketeve që nga fillimi i marsit, nga masat e reja të qeverisë, tha sot ministri i Zhvillimit të Greqisë, Kostas Skrekas për radio Skai.

Skrekas tha se masat e reja do të votohen këtë ose javën e ardhshme dhe kompanive do t’u jepen disa ditë për të korrigjuar listat e tyre të çmimeve.

Çmimet e raftit para dhe pas rënies gjithashtu do të publikohen, tha ai. Duke komentuar rritjen e çmimeve të ushqimeve, ministri tha se qeveria ka marrë masa për këtë dhe pret ulje të çmimeve.

Autoritetet po vazhdojnë inspektimet për përfitime të padrejta dhe “nuk do të ngurrojnë të shpallin gjoba, siç po bëjmë tashmë”, nënvizoi ai.