Ballina Aktualitet Lajm i mirë për shqiptarët! Ratifikohet një tjetër marrëveshje me Bashkimin Europian,...

Lajm i mirë për shqiptarët! Ratifikohet një tjetër marrëveshje me Bashkimin Europian, ja për çfarë bëhet fjalë

24
0

Një tjetër marrëveshje në nivele të larta ratifikohet ndërmjet Republikës së Shqipërisë dhe Bashkimit Europian, për hartat treguese të rrjetit transevropian të transportit në Shqipëri.

Republika e Shqipërisë dhe Bashkimi Evropian, duke theksuar rëndësinë e madhe që i kushtojnë zgjerimit të rrjetit transevropian të transportit në Shqipëri si pjesë e politikës së zgjerimit; duke pasur parasysh që hartat treguese të rrjetit të transportit transevropian shtriheshin edhe në Shqipëri: – synojnë të garantojnë koherencën ndërmjet rrjetit të transportit transevropian të Bashkimit Evropian dhe rrjetit të transportit të Shqipërisë.

Shqipëria dhe BE-ja synojnë të promovojnë planifikimin dhe zhvillimin e duhur të lidhjes së transportit të qëndrueshëm dhe me efikasitet të burimeve ndërmjet Bashkimit Evropian dhe Shqipërisë si dhe lehtësojnë njohjen e prioriteteve të përbashkëta të infrastrukturës ndërmjet Bashkimit Evropian dhe Shqipërisë.”, thuhet në marrëveshje.

Nëpërmjet kësaj marrëveshje synohet të lehtësohet edhe zhvillimi i rrjetit aktual të transportit.

Të dy palët ranë dakord që të pranojnë hartat treguese të përshtatura të rrjetit të infrastrukturës së transportit në Shqipëri, të bashkëlidhura marrëveshjes aktuale të nivelit të lartë.

“Kjo marrëveshje e nivelit të lartë nuk krijon, as nuk synohet të krijojë të drejta ose detyrime sipas të drejtës ndërkombëtare ose të brendshme.”, theksohet në marrëveshje.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu