Ballina Aktualitet Virozat e stinës/ Mjeku apel për qytetarët: Prek të gjitha moshat, kulmi...

Virozat e stinës/ Mjeku apel për qytetarët: Prek të gjitha moshat, kulmi pritet të arrijë në…

43
0

Rastet me grip dhe infeksione të tjera respiratore vijojnë të njohin rritje në gjithë vendin. Sipas ISHP-së, në javë regjistrohen rreth 14 mijë raste.

“Kemi një rritje të lehtë të infeksioneve të gripit dhe Covidit. Pozitiviteti i rasteve me grip ka arritur diku te 10-12%”, tha nëndrejtori i ISHP, Dritan Ulqinaku.

Mes Covidit dhe gripit, ky i fundit po dominon. Aktualisht sipas ISHP-së kjo situatë nuk është alarmante. Piku i virozave të stinës pritet të arrihet në javën e parë të muajit Shkurt.

“Jemi në nivele normale mund të quaj të stinës së qarkullimit të virozave”, u shpreh mjeku .

Megjithatë duhet treguar kujdes, pasi virusi i gripit transmetohet lehtësisht. Ekspertët këshillojnë qytetarët që nëse temperatura e trupit nuk u ulet për tre ditë të drejtohen menjëherë tek mjeku.

“Gripi prek të gjitha grupmoshat pa përjashtim, situata mund të bëhet dramatike, sepse gripin ne e konsiderojmë një sëmundje serioze. Mbajtja e maskës rekomandohet për të gjithë, jo vetëm të sëmurët. Këshillohet jashtëzakonisht shumë në momentin që jemi në autobus, kinema, ne ambiente spitalore. Nëse një person është i prekur rekomandohet të mbajë maskë për të mos infektuar të tjerët”, përfundoi Ulqinaku.

Sipas ekspertëve, gripi ka një zhvillim më të rrufeshëm sesa Covid-19, shenjat e të cilët kanë ardhur duke u zbutur.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu