Duket e habitshme, por edhe njëherë, arbitrat ndihmojnë në mënyrë të pabesueshmë Realin e Madridit.
Dhe përsëri, viktimë e vendimeve skandaloze, bie Bajern Mynih.
Por çfarë ndodhi?
Në minutën e fundit, lojtarët e Bajern krosojnë në zonën e Real Madrid, ku ndodheshin dy lojtarë të Bajern dhe dy të Realit.
Por sapo topi hidhet në zonë, edhe pse lojtarët ishin në një vijë dhe pozicioni ishte në rregull, arbitri anësor ngre flamurin për pozicion jashtë loje, ndërsa arbitri kryesor i bie direkt bilbilit për të ndaluar lojën.
Bajern shënon, por vendimi i arbitrave i mohon mundësinë për të parë në VAR nëse goli ishte i rregullt apo jo.
Dhe goli, siç u pa nga përsëritjet, ishte mëse i rregullt.
Skandali është se arbitrat nuk kanë respektuar rregulloren, pasi aksioni duhej lejuar të vazhdonte dhe nëse ishte pozicion jashtë loje, duhej sinjalizuar vetëm në përfundim të aksionit.
Aty ndërhynte VAR pastaj, për të parë nëse goli ishte i rregullt apo jo.
Kjo është e disata herë që UEFA ndihmon në mënyrë flagrante Real Madrid, sidomos me Bajern, kur disa vite me parë, Realit iu quajtën do gola të parregullt, i nxorrën padrejtësisht dhe Vidal me të kuqe, ndërkohë që më parë duhej të kishte dalë Casemiro.
Apo ndihma kundër Juventusit, kur në minutën e fundit u akordua një penallti e dyshimtë, e shënuar nga Ronaldo, ndërkohë që në Torino nuk ishte akorduar një penallti e pastër për Juventusin.
