Kryeministri grek Kyriakos Mitsotakis vijon turin e takimeve në prag të zgjedhjeve europarlamentare të 9 qershorit.
Kësaj here Mitsotakis ishte në zonën e Artës, i shoqëruar edhe nga djali i Fredi Belerit, Petro Beleri.
Mitsotakis kërkoi votën për partinë që drejton Neo Demokracia në zgjedhjet europiane, ku premtoi se do të ketë konkret me propozime dhe jo me paketa populiste, teksa kritikoi edhe opozitën.
Në listën e kandidatëve për eurodeputet për Mitsotakis është edhe Fredi Beleri, kryebashkiaku i zgjedhur i Himarës, i cili ndodhet në burgun e Fierit për akuzën e shit-blerjes së votës.
Prania e djalit të Belerit, Petros krah Mitsotakis në Artë, vjen një ditë pas vizitës së kryeministrit Rama në Himarë ku ndau 437 tituj pronësie.
