Mijëra qytetarë dolën sot në rrugët e Torinos për të protestuar kundër vendimit për shpërndarjen e qendrës sociale Askatasuna, një hapësirë e njohur për aktivitetet kulturore dhe politike në lagjen Vanchiglia.
Demonstruesit marshuan me pankarta dhe thirrje “Askatasuna non si tocca” (“Askatasuna nuk preket”), duke u bashkuar nga delegacione të qyteteve të tjera italiane. Protesta filloi paqësisht, por gjatë ditës pati tensione me forcat e rendit, të cilat përdorën hidrantë dhe gaz lotsjellës për të rikthyer kontrollin në disa zona të qytetit.
Disa policë u raportuan të lënduar gjatë përleshjeve me demonstruesit, ndërsa autoritetet u shprehën se ligji duhet zbatuar dhe se të drejtën për të protestuar duhet të ndahet nga veprimet e dhunshme.
Qendra sociale Askatasuna ka një histori disa dekadash dhe është njohur si hapësirë për kultura alternative, organizim social dhe aktivitete komunitare. Vendimi për shpërndarjen e saj ka nxitur reagime të forta nga qytetarët dhe aktivistët që e shohin këtë veprim si një goditje ndaj lirisë së organizimit social.
Demonstrata në Torino vjen në një kohë kur debatet mbi hapësirat sociale dhe përdorimin e tyre në Itali janë rritur, duke reflektuar tensionet midis autoriteteve dhe komuniteteve lokale për të drejtat e qytetarëve.
