Kujtim Cakrani, avokati i ish-presidentit Ilir Meta, ka mbërritur paraditen e sotme në Gjykatën e Posaçme për seancën për dosjen “Meta”.
Në një prononcim të shkurtër para gazetarëve, Cakrani deklaroi se në seancën e sotme do të ketë ngjarje të mirë, pa u ndalur më gjatë në detaje konkrete.
“Sot që kemi ne ngjarje të mira ju kanë lënë vetëm. Sot ka ngjarje të mira në këtë seancë”,-tha Cakrani.
Ish-presidenti Ilir Meta ndodhet në qeli që prej tetorit të vitit 2024.
Ai akuzohet për “Korrupsioni pasiv i funksionarëve të lartë shtetërorë ose i të zgjedhurve vendorë” në 3 raste, dy prej të cilave të kryera në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim, “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”.
