Shkencëtarët nga Kina kanë prezantuar një zbulim të jashtëzakonshëm: bimët që mund të ndriçojnë vetë në errësirë, pa pasur nevojë për energji elektrike.
Këto bimë janë krijuar përmes teknologjisë së modifikimit gjenetik, duke përdorur gjene nga xixëllonjat dhe kërpudhat që prodhojnë dritë. Falë kësaj, ato lëshojnë një ndriçim të butë natyral gjatë natës.
Deri tani, më shumë se 20 lloje bimësh,përfshirë orkide, luledielli dhe krizantema, janë përshtatur për të shkëlqyer në errësirë.
Sipas studiuesve, kjo teknologji mund të ndryshojë mënyrën se si ndriçohen qytetet në të ardhmen. Parqet dhe hapësirat publike mund të ndriçohen pa energji elektrike, vetëm me ujë dhe pleh, duke kursyer energji dhe duke ulur ndotjen.
Ideja lindi nga kujtimet e njërit prej studiuesve, i cili si fëmijë shihte xixëllonjat që ndriçonin natën. Sot, ai ka arritur ta sjellë këtë fenomen natyror te bimët.
Përveç bukurisë vizuale, kjo arritje mund të ketë ndikim të madh edhe në turizëm, mjedis dhe zhvillimin e qëndrueshëm, duke hapur rrugën për qytete më ekologjike dhe më të ndriçuara natyrshëm.
