Pavarësisht se është në fazën më të rëndësishme të sezonit, ku është në garë për titullin kampion në Premier League dhe trofeun e Champions League, Arsenal njëkohësisht po bëhet gati edhe për merkaton e verës.
Mediet angleze bëjnë me dije se “Topçinjtë” nuk do të llogarisin për sezonin e ri dy sulmuesit: Kai Havertz dhe Gabriel Jesus, duke i nxjerrë që të dy në shitje.
Sipas këtyre raportimeve, arsenal pret të përfitojë 120 milionë euro nga shitja e dy sulmuesve.
Për Gabriel Jesus ka një interes të madh në Serie A, nga ekipe si Milan dhe Juventus, por nuk përjashtohet as mundësia e rikthimit në Brazil. Për Kai Havertz po ashtu pritet një rikthim në Bundesligë.
