Qendra Jugore për Ligjin ndaj Varfërisë (SPLC), një organizatë e njohur në SHBA, është përfshirë nga një seri akuzash të rënda financiare, pasi Departamenti i Drejtësisë ka ngritur akuza për mashtrim dhe pastrim parash.
Rasti i publikuar në portalin më të madh konservator në SHBA, Breitbart, ka tërhequr vëmendje të madhe publike jo vetëm për natyrën e rëndë të akuzave, por edhe për emrat e njohur të lidhur me financimet e saj, përfshirë miliarderin George Soros, aktorin George Clooney dhe figura të fuqishme të biznesit si Tim Cook dhe JPMorgan.
Sipas raportimeve mediatike, SPLC dyshohet se ka devijuar fonde drejt individëve dhe grupeve që lidhen me ekstremizmin, duke ngritur pikëpyetje serioze mbi transparencën dhe qëllimet e saj reale.
Përfshirja e donatorëve të profilit të lartë dhe lidhjet e mundshme me ngjarje të diskutueshme si tubimi “Unite the Right” në vitin 2017 e bëjnë këtë çështje edhe më të ndjeshme, ndërsa autoritetet federale vijojnë hetimet për një nga skandalet më të përfolura të kohëve të fundit.
Ndiq paratë! Qendra Jugore për Ligjin ndaj Varfërisë (SPLC), e cilësuar si e majtë ekstreme, splcenter, ka marrë financime nga individë si George Clooney dhe George Soros, si dhe nga biznese si Chick-fil-A, raportoi të mërkurën Neë York Post.
Lajmi vjen pasi Departamenti i Drejtësisë i SHBA (DOJ) të martën tha se kishte ngritur akuza ndaj SPLC për mashtrim dhe pastrim parash të lidhura me “grupe ekstremiste të dhunshme”, sipas Breitbart Neës.
SPLC akuzohet se ka kanalizuar para drejt grupeve të urrejtjes që pretendonte se i luftonte, duke marrë donacione për vite me radhë nga donatorë të njohur, “shumë prej të cilëve u angazhuan me organizatën pas përplasjeve në një tubim supremacistësh të bardhë ‘Unite the Right’ në Virxhinia në vitin 2017, i cili rezultoi në vdekjen e një protestuesi,” thuhet në artikullin e Post. Media shton se disa nga donatorët thuhet se nuk e dinin që organizata po transferonte para te një nga individët e përfshirë në organizimin e atij tubimi.
Sipas Post, ndër donatorët e grupit janë George Clooney, JPMorgan dhe ish-CEO i Apple Tim Cook, si dhe miliarderi i majtë George Soros. Media tha se edhe Chick-fil-A ka bërë donacione të vogla për këtë organizatë.
Në fakt, Fox Business raportoi në vitin 2019 se Chick-fil-A ishte distancuar nga donacioni i tij ndaj këtij grupi pas kritikave të marra.
Drejtori i FBI-së Kash Patel njoftoi të martën aktakuzën me 11 pika ndaj SPLC, duke theksuar se akuzat përfshijnë mashtrim përmes telit (ëire fraud), deklarata të rreme ndaj një banke të siguruar federalisht dhe komplot për pastrim parash të fshehur.
