Anne Hathaway kishte një orar të ngjeshur teksa mori pjesë në shfaqjen e filmit Mother Mary së bashku me bashkë-yllin Michaela Coel të enjten në mbrëmje.
Aktorja amerikane, 43 vjeçe, dukej në humor të mirë teksa u shfaq në tapetin e kuq vetëm një ditë pasi kishte marrë pjesë në premierën e The Devil Wears Prada 2 në Londër.
Anne dhe bashkë-ylli i saj Michaela, 38 vjeçe, nuk i mbanin dot të qeshurat teksa pozonin në shfaqjen e Mother Mary, e cila u mbajt në Picturehouse Central, shkruan “Daily Mail”.
Ylli i The Princess Diaries tregoi figurën e saj të mrekullueshme me një fustan të zi dramatik, i cili kishte një pjesë të sipërme me prerje gjysmë transparente, mëngë të theksuara dhe një fund të gjatë me pala.
Flokët e saj të errët i kishte stiluar në një gjysmë-updo të rregullt me onde, ndërsa e kishte kompletuar pamjen me vathë të mëdhenj të artë.
Ndërkohë, Michaela dukej mahnitëse me një top të gjatë pa rripa në ngjyrë gri me thekë, të kombinuar me pantallona të zeza elegante.
Ylli i Black Earth Rising e kishte hedhur krahun rreth Anne-it ndërsa dyshja pozonte, përpara se të bënin mimika buzë të ngrira ndaj njëra-tjetrës.
