Ka nisur protesta e mbështetësve të opozitës në Bulevardin “Dëshmorët e Kombit”, ku bashkë me liderin e PD, Sali Berisha, janë dhe deputetë e simpatizantë të PD.
Para fillimit të tubimit, pjesëmarrësit mbajtën një minutë heshtje në nder të dy të miturve që u vranë nga Nikoll Radaçi, i cili lëvizte me automjetin e tij me shpejtësi të lartë në zonë të banuar në Spitallë të Durrësit dhe aksidentoi për vdekje dy të miturit dhe u plagos një i tretë. Ngjarja shokoi opinonin publik dhe nxori në pah mungesën e hapsirave publike për fëmijët si dhe inekzistencën e shtetit për të parandaluar raste të tilla, pasi siç janë shprehur banorët e zonës, Radaçi njihej në zonë për të tilla veprime që cënonin sigurinë e tyre.
Sheshi dhe bulevardi kryesor po mbushen vazhdimisht me protestues që po vijnë nga zona të ndryshme, ndërsa thirrjet për dorëheqjen e kryeministrit Edi Rama dominojnë atmosferën.
