Një zjarr i madh ka përfshirë një impiant riciklimi plastik në shtetin amerikan të Tennessee, duke krijuar një re të madhe tymi të zi.
Flakët u përhapën me shpejtësi në ambientet e objektit, duke shkatërruar plotësisht tre ndërtesa, sipas autoriteteve lokale.
Tymi i dendur, i përshkruar si potencialisht toksik për shkak të materialeve plastike, ka alarmuar banorët e zonës, ndërsa ekipet e emergjencës u angazhuan për të vënë nën kontroll situatën.
Autoritetet kanë bërë të ditur se, sipas raportimeve paraprake, nuk ka persona të lënduar nga incidenti. Shkaku i zjarrit mbetet ende i paqartë dhe është duke u hetuar nga shërbimet përkatëse.
