Një tërmet i fuqishëm ka goditur zonën pranë qytetit Lebu gjatë mbrëmjes së së shtunës, duke shkaktuar panik te banorët e rajonit. Dridhja sizmike u regjistrua në orën 22:35 sipas orës lokale dhe kishte një magnitudë prej 5.8 ballë.
Sipas të dhënave të publikuara nga Qendra Kombëtare Sizmologjike (CSN), epiqendra e tërmetit ndodhej rreth 41 kilometra në lindje të Lebu, ndërsa thellësia e tij ishte 24 kilometra.
Nga ana e saj, Shërbimi Kombëtar i Parandalimit dhe Reagimit ndaj Fatkeqësive (SENAPRED) ka konfirmuar tashmë se tërmeti është ndjerë të paktën në rajonet Maule, Los Ríos, Bío Bío, La Araucania dhe Nuble.
