Rihanna dhe partneri i saj A$AP Rocky shënuan Ditën e parë të Nënës së këngëtares si nënë e tre fëmijëve me një darkë romantike në restorantin luksoz italian Cucina Alba në Nju Jork të dielën.
Këngëtarja e “Umbrella”, 38 vjeçe, e cila mirëpriti në jetë djalin Rocky Irish në shtator, tërhoqi vëmendjen me një veshje të guximshme: të brendshme prej dantelle të zezë me dekolte të thellë, të kombinuara me një kostum elegant të zi.
Rihanna, e cila gjithashtu ka dy djem, RZA Athelston, tre vjeç, dhe Riot Rose, dy vjeç, me reperin, i mbuloi sytë me syze të mëdha dielli, shkruan “Daily Mail”.
Ndërkohë A$AP, emri i vërtetë i të cilit është Rakim Athelston Mayers, u shfaq po aq stilist me një pallto prej kamoshi ngjyrë bezhë dhe syze dielli.
Kjo vjen pasi Rihanna – e cila iu përgjigj thashethemeve se ishte zënë me partnerin e saj në Met Gala – zbuloi tatuazhin e saj të ri dhe tregoi se dizajni i tij i ëmbël ishte krijuar nga fëmijët e saj të vegjël.
Tatuazhi i ri ndodhet në pjesën e pasme të gjurit dhe duket si shkarravina abstrakte, pa dyshim të bëra nga njëri ose të dy fëmijët e saj më të mëdhenj.
