Kryetari i Partisë Demokratike Sali Berisha ka reaguar në lidhje me një deklaratë të Edi Ramës një ditë më parë, që ka krahasuar shqiptarët me talebanët terroristë.
Berisha shkruan se, kjo është një dekalratë skandaloze dhe akt fyes e poshtërimi ndaj çdo shqiptari.
Reagimi i kryetarit të PD, Sali Berisha:
Një deklaratë skandaloze!
Dje Edi Rama krahasoi shqiptarët me talebanët terroristë.
Në një akt fyerje dhe poshtërimi për çdo shqiptar, Edi Rama dje në një konferencë në Talin për t’u dukur interesant u shpreh se shqiptarët janë talebanët e perëndimit.
Kjo është paraqitja më negative në rrafshin politik, kulturor por dhe fetar që mund t’iu bëhet shqiptarëve, por edhe shërbimi më i keq që mund t’i bëhet kombit tonë në hapësirën euroatlantik duke krahasuar shqiptarët, me anëtarë të një organizate famëkeqe terroriste, siç janë talebanët!
Turp dhe vetëm turp!
