Ish-kryetari i Parlamentit, Gramoz Ruçi është dekoruar dje në 35 vjetorin e Partisë Socialiste për kontributin e tij të gjatë në PS.
Gramoz Ruçi bëri thirrje për mbështetjen e Edi Ramës për të fituar mandatin e 5-të. Sipas tij fitorja e zgjedhjeve në 2029 është e sigurtë dhe në vitin 2030 Shqipëria do integrohet në BE.
“Fëmijët e mi, mos e humbisni kurrë kontaktin dhe komunikimin me anëtarët dhe simpatizantët e PS.
E pra kjo lidhje shpirtërore është si puna e asaj që tregojnë për gjuhen e huaj, po e le një ditë atë, të le një javë. Po e le një javë të lë një muaj, po e le një muaj të lë një vit. Po e le një vit të lë për tërë jetën si puna ime.
Kështu është dhe anëtarësia në PS kështu është dhe votuesi. Mbështesni, vizionin e Edi Ramës për Shqipërinë 2030. Mbështesin ambicien e Edi Ramës për integrimin e Shqipërisë, mbështesni energjitë e Edi Ramës, për ta qeverisur Shqipërinë akoma më mirë. Mbështesni përkushtimin dhe vendosmërinë e Edi Ramës.
Kam bindjen se duke bërë të dyja fitorja e Edi Ramës në 2029 është e sigurt dhe integrimi i Shqipërisë në BE vitin 2030 është i garantuar”, ka thënë Gramoz Ruçi..
Nga ana tjetër, duket se brenda familjes Ruçi ka pikëpamje të ndryshme.
Djali i tij, Ledio Ruçi ka hedhur një postim me një pankartë ku theksohet se ‘Nuk ka shtet”. Nga njëra anë babai kërkon mbështetjen e PS dhe vijimin e qeverisjes, ndërsa i biri duket se shpreh rezerva për pushtetin e PS, duke publikuar mesazhin se Shqipëria nuk ka shtet.
