Jennifer Lopez foli në një intervistë për personat me të cilët do të kishte bërë seks, për pëlqimin e saj ndaj romancave toksike dhe për mënyrën se si po e tejkalon ndarjen e vështirë nga Ben Affleck.
56-vjeçarja u tregua mjaft e hapur teksa fliste për dashurinë e saj ndaj filmit “True Romance”, gjatë paraqitjes në podcastin e Brett Goldstein, “Films To Be Buried With”.
Filmi rrëfen historinë e një adhuruesi të kulturës pop, i cili vjedh kokainë nga tutorja e gruas së tij të sapomartuar dhe përpiqet ta shesë në Hollywood, duke bërë që mafiozët pronarë të drogës të vihen pas çiftit. Jennifer tha:
“Në këtë film ka plot personazhe të dyshimtë. Christian Slater, i cili punon në një dyqan diskografik dhe ka halucinacione me Elvisin, të luajtur nga Val Kilmer…”
“Patricia Arquette nuk mund të ishte më e mirë në rolin e një prostitute me zemër të artë, shumë e ëmbël.”
“Pastaj ke Dennis Hopper dhe Christopher Walken në një nga skenat më të mëdha të të gjitha kohërave mes dy aktorëve, më pas Brad Pitt si një përdorues droge, James Gandolfini… Gary Oldman…”
“Do të kisha bërë seks me cilindo prej tyre, gjë që tregon shumë për anën time të errët. Të gjithë ishin jashtëzakonisht të mirë në këtë film.”
