Seti i ri i xhirimeve për sezonin e shtatë të serialit të njohur “Teşkilat” ka rikthyer në vëmendje emrin e aktores Hande Erçel.
Pas lajmeve se produksioni po kërkon një protagoniste të re femër, në rrjet shpërthyen aludimet se Erçel mund të bëhej pjesë e kastit. Ky lajm nxiti menjëherë entuziazëm te publiku, për shkak të mundësisë së një ribashkimi në ekran me aktorin Tolga Sarıtaş, me të cilin ajo korri sukses vite më parë në serialin “Güneşin Kızları”.
Megjithatë, pretendimet për këtë bashkëpunim janë hedhur poshtë me shpejtësi. Sipas gazetares së njohur turke Birsen Altuntaş, aktorja nuk ka zhvilluar asnjë takim apo bisedim me drejtuesit e serialit.
Raportohet se plani i saj për vitin 2026 nuk përfshin pjesëmarrjen në seriale të gjatë televizivë, por është i përqendruar tërësisht në kinematografi, ku ajo po punon për dy projekte filmike—njërin prej të cilëve e ka shkruar vetë.
E vërteta e këtyre thashethemeve u konfirmua përfundimisht edhe nga vetë Tolga Sarıtaş. I pyetur nga gazetarët e GazeteMagazin gjatë pushimeve të tij familjare në Çeşme rreth mundësisë që Hande Erçel t’i bashkohet serialit, aktori u përgjigj shkurtimisht se nuk ka dijeni për një mundësi të tillë.
Me këtë deklaratë dhe me fokusin e Erçel te filmat e saj të rinj, kërkimi i produksionit për aktoren kryesore të sezonit të shtatë vazhdon ende.
