Një 32-vjeçar, i cili ishte arrestuar dy ditë më parë për vjedhje ka ndërruar jetë në ambientet e komisariatit të Vlorës. Sipas policisë, bëhet fjalë për shtetasin me iniciale E.Sh, i cili dyshohet se ka ndërruar jetë nga arresti kardiak.
Një i ri, i cili vuante dënimin në ambientet e paraburgimit të Vlorës, është dërguar me urgjencë në Spitalin Rajonal. Siç mësohet prej burimeve të policisë, ai ka pësuar arrest kardiak në ambientet e paraburgimit.
Gjendja shëndetësore paraqitet e rëndë sipas burimeve dhe po merrte ndihmën mjekësore në Spitalin Rajonal të Vlorës, por ne fakt mesohet se ai ka vdekur qe ambjentet e paraburgimit.
Vlorë/Informacion paraprak
Sot rreth orës 09:50, në ambientet e dhomave të shoqërimit të Komisariatit të Policisë Vlorë, është konstatuar në gjendje të rënduar shëndetësore shtetasi i arrestuar E. Sh., 32 vjeç, banues në Vlorë.
Menjëherë është njoftuar shërbimi mjekësor dhe 32-vjeçari është transportuar në Spitalin Rajonal Vlorë, ku, në orën 10:05, mjekët kanë konfirmuar se ky shtetas ka humbur jetën.
Paraprakisht dyshohet se 32-vjeçari ka ndërruar jetë si pasojë e arrestit kardiak.
Shtetasi E. Sh. ishte arrestuar në flagrancë më datë 29.08.2026, rreth orës 23:00, për veprën penale “Vjedhja”.
Nën drejtimin e Prokurorisë, vijon puna për sqarimin e plotë të rrethanave dhe dokumentimin ligjor të rastit
