Një burrë në veri të Japonisë është arrestuar sërish, pasi dyshohet se ka vrarë rreth 30 hamsterë në një hotel, vetëm disa muaj pasi ishte ndaluar për një rast të ngjashëm. I dyshuari, punonjës në një shkollë të mesme, dyshohet se kreu ngjarjen në fund të marsit me ndihmën e një 20-vjeçareje. Sipas policisë, në telefonin e tij u gjetën video të vrasjeve, si dhe mesazhe që duket se tregonin planifikimin e aktit.
Në një prej mesazheve, dyshohet se shkruhej: “Ku do të vrasim hamsterë dhe të argëtohemi?”. Burri ishte arrestuar më parë në korrik, pasi dyshohej se kishte vrarë rreth 20 hamsterë në shkurt, në bashkëpunim me një tjetër grua 19-vjeçare.
Policia ka arrestuar edhe dy gratë dhe po vijon hetimet për të përcaktuar nëse i dyshuari është përfshirë në raste të tjera të ngjashme.
