Ethan Hawke e ktheu paraqitjen e tij të fundit në tapetin e kuq në një event familjar.
Të premten, aktori 55-vjeçar u shoqërua nga bashkëshortja e tij, Ryan Shawhughes, dhe vajza e tyre adoleshente, Indiana, 15 vjeçe, në Festivalin Amerikan të Filmit në Deauville.
Përveçse u nderua në festivalin që zhvillohet në Deauville të Francës, Hawke hapi mbrëmjen e parë të eventit me premierën e filmit të tij të ardhshëm, “The Weight”.
Për këtë rast, Hawke, i cili ishte një nga të ftuarit e famshëm në dasmën e Taylor Swift dhe Travis Kelce, kishte zgjedhur një kostum tërësisht të zi, duke u përshtatur edhe me veshjen e bashkëshortes së tij.
Vajza adoleshente e çiftit, e cila është fëmija më i vogël i Hawke, u dallua për kontrastin në veshje. Ajo kishte veshur një fustan të bardhë, të kombinuar me një triko në ngjyrë rozë koral.
Familja parakaloi së bashku në tapetin e kuq, ndërsa Hawke i mbajti të dyja, bashkëshorten dhe vajzën e tij, në përqafim teksa pozonin për fotografët.
Hawke u nderua për karrierën e tij si aktor, skenarist dhe regjisor gjatë mbrëmjes hapëse të festivalit. Të premten, ai mori çmimin prestigjioz Deauville Talent Award, një nga vlerësimet më të rëndësishme të festivalit.
Pas ceremonisë së ndarjes së çmimit, Hawke dhe familja e tij morën pjesë në premierën e filmit “The Weight”.
Në këtë dramë historike, e cila pritet të publikohet së shpejti, Hawke interpreton rolin e Samuel Murphy, një burrë që përfundon “i burgosur në një kamp pune të drejtuar nga një mbikëqyrës i paskrupullt”.
Historia tregon se si ai përfshihet në një “skemë të rrezikshme kontrabande ari”, ndërsa përpiqet të rifitojë kujdestarinë e vajzës së tij.
Në filmin me regji të Padraic McKinley, Hawke luan përkrah aktorëve Russell Crowe, Julia Jones, Austin Amelio, Avi Nash, George Burgess dhe shumë të tjerëve.
